About Us / Tantang toko

Kae tu gobungan nu pakar ponjogaan kosiatan, porsotuan om potubuan yang bana-bana botungkus  lumus posibar nu borita so ponduduk nu Malaysia tu  okon ko itu ya pasal COVID-19 tu nga posadar kae bana so kolobuwan tu porluon bana itu kosiatan awam tu onoyoko sukungon mae bana ono Komontorian Kosiatan o. Mikitabang kae posibar nu tangar mae tu.

Please share our page / Sibari muyu laman mae tu

Share on facebook
Share on twitter
Share on linkedin
Share on whatsapp

5 Simple Tips to Protect Ourselves from COVID-19 / Tudi 5 Pitua Osanang Obuli Waedon Nu Monginsuup Nu Koyiwan Kondiri Ungkiat So COVID-19 Tu

Bagi nu kosihatan kondiri om gaa nu monginsuup nu nyawa toko tu, sokonono tu kuwae oturan / omaran nu porintah nu kurang2an mongkoyow sombo2, tumoron po so waloi nu koduaan kotoluan tu. Su ponakit tutuno kotindak so lobouw sondiang ong koputudul koyiwan o om kosusuw ko nu onu ya baya nu lobouw nojongkitan o.

Kae kiawi pakar nu kosiatan, monukung kae nu tangar nu porintah tu. Su itu kiawie tinangar nu porintah  tu mongowaed nu kajian sains, pongolaman nosiro pulu2an taun om bana2 ya ko mongasi.

Sokonono tu, kowojipan toko nu mongojaga kosihatan kondiri om insuup toko koluarga toko tu ungkiat ponakit COVID-19. Jadi sokonono tu toko misti:

Tumoron so waloi.
Ungkiat so korouwan no adang po muli so kampung tu. Owit muli ponakit o om ojongkitan kotutuwaan o.
Adang po musosambat sambat nu lobouw wokon.
Pidot- pidoton muugas longon.
Tolipounnan ono kosiatan o tarus kosikap ong soko marom- rarom, atau soko opurimonan muyu nga nojongkitan o nu ponakit sokonono tu COVID-19.

Orotian mae ya osuang lobuw soko okoliru, luma ‘a om osusaan nu soko itutu. Nga oporlu toko mutotabang- tabang mongolawan nu ponakit tu. Tongaron mae ya korojaan o supaya kosihatan, kosolamatan, om pondopatan harian muyu no upotion nosiro sobana-bana.

Onu-onu waalon mosti borpotutan. Olawan a itu ponakit tu nga Oporlu toko kiawi lobuw nu Malaysia tu muido inawo om mutotabang-tabang. Putionggungan toko sampit toko runat tu.

Thank You For Your Cooperation / Tudungan Toko Ya Kiawi Nu Kinoringan Tu Nu Itu Gaa Toko Mutotabang-Tabang Tu

Sokonono tu kiawi lobouw isoi-isoi ya misti tumabang ado yo muarap om muarap. Kiawi lobouw olayak nu osiat.
Ubungo/toliponan kosiatan o ong soko: (Kuwae opurimonan muyu tanda-tanda nu ponakit tu atau baya kawu nokorani atau nokopuimpon nu isoi-isoi ya yang nojongkitan nu ponakit tu COVID-19) Ong duaton kawu nu naas atau duktur ong mian kawu so ruma sakit, pongabar kawu yo so bana-bana onu maerosaan muyu ombo iniayan muyu, ikod kawu kilaa mongabar om adang momudut. Kiawi tangar tutuno ungkiat so duktur, duktur pakar, naas, mongobagi nu ubat o, om pakar kosiatan so Malaysia tu.
Muda-mudaan a ong tudungan kawu ya nu kinoringan tu. So ono kiawi winaal muyu no gaa muyu monabang so kae no om wonuwo toko tu. Botang itu no sampit toko tu nu oleed-laed gaam opupusan nga tumanos a itu no mindung toko yo so kinoringan.

Mental Health Message / Kodaw Ungkiat So Kosiatan Mintol 

Adang toko yo dadan mimikir nu dae owarong o, gaam nae musim2 sokonono tu owarong toko momikir nu onu ya yang koinginan toko momaal so waloi soko momaal nu kui ka, mongolukis ka, musundaeet ka atau onu ya bo yang keingan o.
Sokonono tu insan nokopurawu pona nga kakal a kopubual soko biasa ong koputolipon po okon ko war kopurongow a nu bongut nga kopusiow nu paras ong mutolipon kosiono tu.
Bana ya ono oporlu toko nu mongorongow onu ya borita nu ponakit tu nga poriaton po sontagal ulu om tolingo tu nu kiawi borita borita no.
Ong maalap toko mongatur kowiawan toko nu masa masa tutuno dae ya itu no maerosaan toko bana koadaan tu. Gaa niyo adang lupanan momaal ono onu ya koinginan muyu no.
Waalan toko nu pikiran kumuro toko monabang so lobow wokon o, soko mongapit nu ingkokan ka so ono ongo lobow yang botungkus lumus mongawal nu ponakit tu, monabang nu isoi ya yang soko osampit o atau isan mongonsak a nu koluarga kondiri.
Ong maerosaan soko osusah bana kowiauan nu musim itutu no, mokitaak nu pondapat atau mokitabang nu buah pikiran ungkiat so pakar. Ado itu no posala so kawu. Ubung o muyu numbur dilangaw o numbur nu kumpulan bontuan COVID-19.

Message of Preparing For The New Normal / Tangar Ungkiat So Duktur, Naas Om Pakar Kosiatan Nu Musodia Nu Gaa Kowiwauan Osawu

Mongsabar toko yo nu runat tu domi masa dopan yang owarong.

Osuwang pinorubaan masa-masa nu MCO tu nga okon ko kobiasaan budaya toko tu. Tuui kae kiawi lobouw Malaysia muido so kawu nu masa-masa nu sampit tu. Sokonono tu wajip toko nokuro ong sabat a ng mubagi-bagi, adang owayas om mulili toko soko gulu ri iri …nu itu kinoimboguan nu kowiawan toko tu.

Ungkiat nokotimpuun PKP tu osuang pinorubaan, nga ong adat budaya toko tu isan sabat ado mininda. Kosulodan kosilaman, yang dae olaeed ari raya ri kakal po odapat toko mongoraih. Kosulodan dirauh muubung nu tolipon om insuw nu waloi o tumoron so waloi om mubuka puasa sama-sama.
Sadang pun sokonono tu toko kiwae PKP namun ong, rami-rami soko Taun Baru Tamil, Minggu Suci, Qing Ming, Vaisakhi om Vishu kakal po sinambut toko kiawi soko somulajadi ee ya, war ko musondiang gama ri. Bagi nu Ari Raya om Wesak yang nokolontung o nu musim tutuno oporlu iuman nu jalan supaya nga kakal a osambut.
Piluang toko mongimbarong nu omalan monurut nu agama toko kondiri. Sampit soko itu tuno ibarat nio ponoraian nu koporcayaan toko tu, posobaron bana inawo no om jogaan toko yo bana kosulodan toko tu. Pototapon bana inowo no nu sampit soko itu tu supaya nga onupun kosusaan kakal po odapat mongadapi.
Ong kuwae labi nu kolongkapan kokanan toko no mongobagi so isoi yang osampit o. Adang bolabi labi momoli so kadai ondomon ono wokon o. Momoli ombo oporlu no wokon o pona nga momorlu ya. Momoli ombo yang oponting supaya kiawi nga kuwae torutama ono borisan dopan o, lobouw ado komompuan o om borisan pojuang yang runat-runat botugas o.
Ponakit tu ado momuud nu okaya ko omiskin. Ado mongiro ombo wonuo, onu bangsa atau agama. Nisundur a kowiyauwan tu nu muwarong-warong toko kiawi om sompi botulak ansur toko yo. Timpoyungon o bana ono ongo sampit o. Muido toko inawo mongotasi nu kosusaan tu.

Mongsabar toko yo nu runat tu domi koworongan toko kiawi so tingkuangon.

Message for High Risk Individuals / Kodaw So Lobouw Mayo Piluang Ojongkitan

Ongo kotutuoan, lobow kiponakit otoruk om lobow kuwae kopincangan nu koyiwan o osanang itu no siro ojongkitan nu ponakit tu. Siro tutuno yo yang paling ojojas su noganggu po sono kosiatan tu nu itu COVID-19 tu.
Ong kiponakit kawu otoruk ikodi muyu yo putut-putut o ubat muyu no. Ong owian nu ubat obuli mongalap nu ubat mololui perkhidmatan tombaan nu KKM, soko mololui pos, pandu lalu om Locker4U. Kiawi tutuno winaal supaya nga dae oputut ubat muyu no sopanjang-panjang nu PKP tu. Ubungon kolinik kosiatan yang paling orani so kawu no ontawa toliponan muyu pusat farmasi kebangsaan (NPCC) so numbur tu 1-800-88-6722 pongorujukan. Ong kuwae maelaan muyu lobouw kuwae ponakit otoruk o, tobangi muyu siro mongalap nu ubat nosiro no ong odapat.
Ong kuwae kosusaan mayo, tarus toliponan numbur imbulon ontawa ruma sakit so dirani muyu no. Mongodaw so ombaloi mokitulung mongubung kosulodan muyu no atau kosulodan paling orani no. Ong obuli takaan ombaloi o nu numbur tolupon kosulodan muyu no ubungon ong kuwae sampit muyu. Sampit soko sokononon tu, sominit o oponting ono.
Sokonono tu kimuro pona koondom so kosulodan om kopurorawu-rawu toko kiawi nga adang o mududun-dudun okona ko dae mupoduli nga onoyo su pomintangan kasi sayang toko no. Adang po musosambat-samabat, mukakap-kakap nu kosulodan lobi-lobi yo kotutuoan om kiponakit otoruk o, kocuali yo ong kuwae bana-bana sampit /kosusaan mayo. Insupaan toko yo kosiatan nosiro nu war motolipon, mutolipon kopusiow paras o atau osuang cara mololui media sosial tu.
Osusah itu no musim-musim sokonono tu so ono lobouw minonunggu no. Osagut ono pomikiran nosiro no om opanat landu. Pikiron toko siro. Timpoyungon toko siro om duaton ong kuwae koporluan nosiro yang obuli tobangan gaa nu monginggaan nu inowo nosiro no. Cuntu noi, wolian nu ingkokan ontawa tobangan momoli nu koporluan nosiro no. Kiwai ono winaal muyu no kosanang nu inawo nosiro no om inwo muyu no kondiri.

Returning to Work / Tangar ungkiat so Duktur, Naas om Pakar Kosiatan ong Mulili yo Mukoraja

Sokonono tu linunggaran o itu kawalan porgorakan tu, nga kimaton o bana ono tingkalaku toko no. Ungkiat so koborisian koyiwan kondiri sampai ono ponjogaan jarak sosial o, tudi kuwae pitua-pitua obuli waedon so waloi ontawa so pukorojaan.
Kimaton o ono jarak sosial o misti somito rawu om mutuping muka ong so tompat awam, ong mubaris kawu, om so pukorojaan muyu no. Ong odapat maam, adang o muliip su osuwang lobouw, owarong po mutukad a.
Tarus mongabar so kotua koraja no ong dae osiat, om tumoron po so waloi. Ong oporlu, mian so ruma sakit ontawa ubungon tarus iri numbur hotline kosiatan e.
Ondomon o bana gaa mongojaga nu koborisian kondiri ri ong mian so tandas awam su mayo piluang ojongkitan ungkiat nae. Momakai iri pongugas nu longon e kopodan mongkuyut nu pintu nu tandas o. Om paling oponting asal kopodan ungkiat so tandas ugasan o bana longono nu sabun.
Adang po musuarat-suarat so pukorojaan o su osuwang lobouw kopuimpon. Ong oporlu bana mosurat na kimaton o bana jarak sosial o somito labi ri. Adang mususuw nu onu ya barang-barang ong dae ya opasal bana. Adang po muimpon-impom tomod mubual-bual ka ontawa pasal koraja.
Kinoulian ungkiat mukoraja o, adang po dituii kuyut o ontawa tarus mubual nu insuw nu waloi o. Mondiuh tarus om ono pokakas o nirondam so sungoi kisabun nu momatoi nu kumam o.

Protect Yourself, Protect Your Community / Insuupan Koyiwan Kondiri om Kolobouwan Suang o

Adang posibar nu ponakit tu so lobouw suang.
  • Ong mompanow, mutombol o nu kobang om ondung momakai tuping nu paras. Tuping winilit kondiri pona nga musadang o dae muru ono tuping wolion o.
  • Muugas nu longon momakai sabun om sungoi, sabun o kopatoi nu virus tu.
  • Adang po maam muli so wonuo. Ong opaksa o, na mikitaak nutis ungkiat so pulis.
  • Ong oporlu yo bana muli so wonuwo, ono kinologaan muyu no tarus modiuh muborisi musabun adang po di tuii  kawid nu barang-barang ontawa lobouw so waloi o. Insuupan o bana koluarga muyu no.
  • Onoyo inasuw nu waloi o su kowasa muimpon, gaa toko nu mongilak ponakit tu kosibar so lobouw sondiang.
  • Iri jarak somito labi ri ondomon o bana ong kuwae lobouw sondiang.
  • Koopodan mulilang so tanaa no, puugason po kololengan o nu sabun om sungai om poosuwon nae so waloi.
  • Postion muyu yu bana ono kotutuwaan om kiponakit oturuk o osolamat so waloi muyu no.
  • Owiton o bana so ruma sakit ontawa kolonik so dirani muyu no
  • Ong monguna kawu nu lobouw sumakit o, ondomon muyu yo bana miduwo putuping kawu yo ong so luar. Ondomon o muugas nu sabun om sungai ono koopodan muyu nokopukawid nu lobouw sondiang o.
  • Sokonono tu kiawi lobouw misti mongowaed nu iri jarak labi somito rawuh ungkiat so lobouw sumakit o
  • Ong kuwae  lobouw osokitan bana, toliponan 999 kosikap

Public Spaces / Tangar Ungkiat So Duktur, Naas Om Pakar Kosiatan Mongonai Nu Pongogunaan Nu Kawasan Awam

Kakal osiat - ado po itu nopupusan! Kiawie lobouw, ungkiat so kololengan sampai kotutuwaan obuli ojongkitan.
So tampat okurung yang osampit om ososok o nae yo mayo piluang ojongkitan. Su, okurang uwos jadi otingkurung ono tiniis nojongkitan o. Ong obuli maam, adang po mian so tampat soko itutuno.
Ong mian so tampat awam o, mutombol o bana nu kobang.Tuping itunono obuli monginsuup so kawu om lobouw sondiang ungkiat so tiniis nojongkitan o.
Adang kowidan ono onuya yang botang kokowidan nu longon o, soko ono ponokonan nu lip o, pinsil ontawa ono kokowidan nu tukad o. Ong dae maalap mongilak mongkawid na, muugas tarus nu longon momakai sabun ontawa pongugas longon pomatoi kuman kuwae alkohol e. Ilakkon o bana mongkawid nu paras o.
Nitaak o moklumat kondiri yang bana-bana no ong masuw so kadai, resturan ontawa omboya tampat umum wokon o. Itu yo gaa monabang so KKM o supaya osanang siro mogium nu kolobuwan noko ian nae no ong palis-palis e nga kuwae nae nojongkitan nokolapur so kumpulan nu polanggan linumoga ri. Mutotabang-tabang toko yo nu itu supaya borkosan cara tu.
Niada tarus ono tombol nu kobang o ong kologa yo so waloi. Ontawa ong jinis kumut e tombol kobang muyu no na solit-soliton momupu maed nu sabun.
Ong kosiouw kowu nu lobouw soko sondiang gaya-gaya no, mongabar kawu so songapan nu kadai o, sikuriti ontawa pulis. Mongawie nu COVID-19 tu subai kiawie nga tumabang. Muido toko yo nu inawo mongolawan nu ponakit tu.

Moving Forward / Tangar Ungkiat So Duktur, Naas Om Pakar Kosiatan. Mongonai Nu Gaa Toko So Tingkuangon

Owarong, lobouw Malaysia! Tudungan toko ya nu kinoringan tu nu pinorubaan toko tu. Minutotabang-tabang toko kiwaie sampai nokawal itu COVID-19 tu. Nga, ado po itu nopupusan. Sadang toko monjolani nu kuwiyauan toko tu, adang o lupanan iri kiawie pinolojaran toko ri. Dae toko yo itu mulili 'soko biasa ri ', mutabang toko momaal nu 'normal wagu'.

Soliton muugas longon momakai sabun, adang kowidan paras tu om sontiasa mongowit pongugas longon pomatoi kuman ki alkohol e. Momakai tombol kobang kodung mian so tampat awam.

Sadang pona kaeyan o  so tampat awam soko kadai ongayo no, resturan om kadai, nga ilakon o bana ono tampat osampit om ososok o om adang murani ong mubual. Murawu paling dae pun somito ungkiat so lobouw sondiang.

Sontiasa duaton onu abar koluarga toko no om ombaloi o, om nitarus toko ya iri mutimpayung e. Ong muido toko inawo maalap toko mongadapi kosikap itu porubaan so omalan wagu tu.

Postion po bana ono moklumat o ong  mongobasa ontawa posibar maklumat mongonai COVID-19 tu. Pongolapan moklumat yang bana mololui Komontirian Kosiatan, Pertubuhan Kesihatan Sedunia (WHO) om Porsotuan Ahli Gobungan Kosiatan Malaysia (MHC). Pomostian nu borita no obuli siouan tuui www.sebenarnya.my