About Us / Pasal Kamu’

In kami hambuuk parhimpunan maingat ha pagjaga sin kasihatan, magtabarru’ magdihil panghati mustahak ha manga raayat Malaysia bukun hadja pasal sin COVID-19 sa’ magpataas sin panghati kasihatan sin mayran sambil mamawgbug ha Kamantirian Kasihatan. Tabanga kami magpasaplag sin pahati namu’ ini.

Please share our page / Pasaplagan Niyu in Papagan Namu’

Share on facebook
Share on twitter
Share on linkedin
Share on whatsapp

Quick Links / Sugpat Masapat

Jagahi in Baran Niyu
Magsukul
Kasihatan Pikilan
Kahalan Ba’gu
Tau Maluhay Malamin
Madtu pa Tampat Paghinang
Para ha Raayat Guwa' Daira
Tampat Mayran
Sumung Paunahan

5 Simple Tips to Protect Ourselves from COVID-19 / 5 Pituwa Maluhay Magjaga Baran Dayng ha COVID-19

In magjaga sin kasihatan natu’ iban magsalamat sin kabuhi’, in pamarinta nangayu’ tabang pakulangan in paglunsul natu’ ha  samantara waktu. In sabab niya in COVID-19 lumatag bang awun pagsumadja.

 

Bilang paruk ha kasihatan, bawgbugan namu’ in pagpakulang lunsul samantara ini. In puunan niya ini dayng ha tahun sin pangalaman ha pangadji’ sains iban kiyasulayan in kapaiddahan niya.

 

Ha manga waktu ini, awun tanggungjawab natu’ katan iban kusug magjaga sin baran iban kaluwarga dayng ha COVID-19 ini. Subay kitaniyu:

1. Tumuna’ ha bay.

2. Ayaw muwi’ pa kawman, jagahan in taumaas bat di’ malamin.

3. Ayaw duma magkita ha tau.

4. Daran hugasan in lima.

5. Tawagan in Kamantirian Kasihatan ha tiranan atawa ha talipun bang kamu makananam ngi’ parasahan iban bang niyu nanamun nalamin kamu sin COVID-19.

 

Kahatihan namu’ awun kahiluhan, buga’, atawa kahunit. Kagunahan natu’ magtabang pakaniya-pakaniya, iban pangayuun natu’ ha pamarinta jumaga sin kasihatan, kasalamatan iban usaha natu’.

 

Subay in katan magtanggungjawab. Maraug natu’ in panyakit ini, bang in katan Tau Malaysia maghinang sama-sama.

 

Thank You For Your Cooperation / Magsukul Sin Pamawgbug Niyu

In katan makatabang ha hambuuk tau. In katan manjari kakkal sihat.
Tawagan in Kamantirian Kasihatan bang: (Awun tanda'-tanda'; nakasuuk ha tau taga COVID-19) Tulusi, isugi. In manga duktur, nars, paruk, farmasis, iban tau maingat ha kasihatan sin Malaysia.
Magsukul. Nakapamindahi kamu. Marayi maghuhunitpa in hal ini ampa ini dumayaw.

Mental Health Message / Pahati Pasal Kasihatan Pikilan

Dayng sin magpikil sin mangi', sulayi baktula balik sabab amuna in waktu marayaw hinangun in kabayaanmu, biya' sin magbangbang, maglukis, maghinang musik, iban dugaingpa.
Misan kagunahan natu' maglayu', manjari tattap in parsugpatan natu' iban sin tau kalasahan natu' magtawag ha talipun, magtiks, iban magtawag ha bidiyu.
Huun, mustahak in tagapanghati. Sagawa' dayng ha waktu pa waktu, tumtumara isab pahaliha in pikilanmu dayng ha katan habal pasal sin COVID-19.
In papagan makadihil maana sin kahumput. Tumtumun daran hilamud in hihinangun biyutangmu ha jadualmu adlaw-adlaw.
Talia bang unu in mahinangmu tumabang ha kaibanan, dayng ha magpara piyutusan pamaruli ha tampal-unahan, tumabang ha malamma atawa lumutu' para ha manga tau kalasahanmu.
Bang kaw kahunitan, manjarira magpahindu' ha tau maingat. Wayira ngi' niya. Kitaa in umbul talipun pangayuan tabang pasal sin COVID-19 ha taas.

Quick Links / Sugpat Masapat

Jagahi in Baran Niyu
Magsukul
Kasihatan Pikilan
Kahalan Ba’gu
Tau Maluhay Malamin
Madtu pa Tampat Paghinang
Para ha Raayat Guwa' Daira
Tampat Mayran
Sumung Paunahan

Message of Preparing For The New Normal / Pahati Dayng Ha Manga Duktur, Nars iban Tau Maingat Ha Kasihatan Ha Pagsaddiya Sin Kahalan Ba’gu Ini

Sumabar kitaniyu adlaw yan para ha adlaw labi in dayaw ha kunsum.

In MCO (Parinta Pagpa’gang sin Pagpanaw) mataud napinda, sa’ bukun gamut sin adat natu’. In katan
tau Malaysia yari kaniyu ha waktu pagpasandung bihaini. Mamahagi’ kitaniyu mataud, di’ maguppas, iban
hibalik in hinang marayaw bilang pagtagama sin kahalan ba’gu ini magsama-sama.

Pagka in MCO ini mataud tuud pindahan, wayi nakapinda sin gamut sin adat natu’. Hipagpatuy natu’ in duwaa natu’ ha bay iban in Ramadhan masi natu’ mahinang magsama- sama. In kaluwarga naglalayu’ masi mara magbuka puasa iban magtipun online, in kaluwarga hangkabay kakkal salamat.
Misan awun MCO, in tau Malaysia nakalawagda dan magsa’bu sin Qing Ming, Tahun Ba’gu sin Tamil, Holy Week, Vaisakhi, iban Onam ha sibu’ in kahantang. In manga nakura’ sin agama pangayuun kanila maghinang dan magsa’bu sin Wesak iban Haylaya ha manga waktu ini.
Amuna ini in piluang marayaw magpasandung sin maana ha ginhawa sin manga hinang pag-agama. In iman natu’ landu’ in kagunahan ha lawum sin kahalubiluhan ini, amun nakapatumtum katu’ sin hinang natu’ magpa’gang sin baran iban pagjaga sin laulahasiya. In pagpasandung ha waktu kahunit iban kasusa bihaini makabantuk kakusug tumahan sin kahalan.
Bang awun labi-labi niyu dayng sin kagunahan niyu, pamahagi kamu ha manga tau kulangkabus. Anibi niyu in magbiy mataud iban magtaw’ sin kakaun. In kumawa’ sin tuput ha kagunahan niyu amuna in dan makapamahagi iban magparuli sin manga sila kulang in kagausan – manga tau tampal-unahan, maluhay kugdahan sin sakit, iban sin manga gagandilan adlaw-adlaw yaun ha katampalan.
In bayrus di’ magpi’ ha dayahan iban miskin. Di’ magsilang ha antara sin katarrangan, bangsa, iban agama. In dan sumung pa unahan dayng ha kahalan ini, amuna in magmarayaw iban magaddat-iyaddati pakaniya-pakaniya. Parulihun in sila amun dugaing in kahalan ha pamaybay. Magsama-sama kitaniyu katan ha waktu sin kahalan bihaini. Sumabar naa kitaniyu ha, ha adlaw ini para ha adlaw labi in dayaw ha kunsum.

Sumabar naa kitaniyu ha, ha adlaw ini para ha adlaw labi in dayaw ha kunsum.

Message for High Risk Individuals / Pahati Ha Manga Tau Maluhay Malamin

Taumaas, amun malugayna tagasakit iban tau awun kapangsanan maluhay malamin sabab natarasaw sin pagkadtu pa kidmat kasihatan pasal sin COVID-19.
Bang awun sakit niyu malugayna, tumtuma niyu bihan atawa kawaan magbalik in dihil kaniyu bat di’ kaubusan. In KKM magdihil kidmat, biya’ sin ha Pus Malaysia, Lumabay Mami, iban locker4u, tantuhun sin awun ubat kagunahan niyu ha waktu MCO. Tawagi niyu in Klinik Kasihatan ha kawman atawa Puunan Tawagan Farmasi Kabangsaan (NPCC) mangayu’ tabang ha umbul 1800-88-6722. Atawa, bang awun tau kaingatan niyu tagasakit malugayna, tabangi sila magbiy sin ubat nila bangmu kasautan.
Tawagi in 999/ambulans. Bang awun siglamulka sin kasihatan, tawagi in 999 magtuy atawa uspital masuuk kaniyu. Pahatiha niyu in pangdaig bay amun kapangandulan niyu tumawag ha kaluwarga niyu atawa ha lahasiya niyu. Bang manjari, tantuha awal in pangdaig bay niyu tagaumbul kagunahan tawagan. In kahalan bihaini, in satiyap saat mustahak.
Tantu maglaw kitaniyu ha manga tau kalasahan natu’ ha waktu MCO ini, sa’ in paglayu’ ha waktu ini amuna in sarayaw-rayaw hinangun hipagpakita sin awun parulita kanila. Anibi niyu in pagtibaw ha kaluwarga iban kabagayan amun malaasna atawa amun tagasakit malugayna, puas bang sila tagasiglamulka’ patut tabangun. Jagahi in kasihatan nila dayng ha pagtawag hadja ha talipun, bidiyu atawa susial media.
Mahunit ini para ha manga magaayuput. Makananam sila kahingas iban laul. Magmarayaw kanila. Pakitaan in pagsarangsukul niyu kanila sin nahinang nila iban tabangan sila bang manjari. Suntu’ niya, tuguni sila kakaun iban tabangan mamiy sin kagugunahan nila. Misan unu in kasihatan nila awun parsugpatan sin hikamudarat kaniyu.

Returning to Work / Pahati dayng ha manga Duktur, Nars iban Tau Maingat ha Kasihatan

Pagka in Parinta Pagta'ga sin Pagpanaw piyaluhay, in katan Tau Malaysia subay majaga sin kakahinang bila. Dayng ha paglanu' sin baran iban jumaga sin lawak dayng ha tau di' kakilahan, yari in babarapa hinangun bat kajagahan bang sa'bu ha bay atawa hapaghinangan.
Jagahi in lawak labi dayng hangkamitir iban makay sampung bayhu' ha mayran, lamudna in pagbaris iban ha tampat paghihinangan niyu.
Baytai niyu in nakura' atawa kiyapangandulan kaniyu bang mangi' in parasahan niyu, iban tuna' kamu ha bay.
Darana niyu in paglanu' bang magpakay sin bilik panghugasan sin mayran sabab in tampat ini mataas in panglamin.
Anibi niyu in pagtipun-tipun awun parsugpatan ha hinang biya' sin magmisuarat iban magpakay sin tampat sibu' paghihinangan niyu.
Bang kamu makauwi pa bay dayng hapaghinangan, anibi niyu in umulin haunu-ununa kaulinan iban mag-sumadja iban sin ahli kaluwarga niyu. Paygu' kamu magtuy, ha'gumi in pakayan niyu ha sabun iban tubig bat di' makalamin.

Quick Links / Sugpat Masapat

Jagahi in Baran Niyu
Magsukul
Kasihatan Pikilan
Kahalan Ba’gu
Tau Maluhay Malamin
Madtu pa Tampat Paghinang
Para ha Raayat Guwa' Daira
Tampat Mayran
Sumung Paunahan

Protect Yourself, Protect Your Community / Jagahi In Baranmu, Jagahi In Kawmanmu

Ayaw niyu kanata in bayrus dayng ha hambuuk pa hambuuk
  • Bang ha guwa’,tampani in ilung niyu iban simud mahugut sin suru. Pakaya in suru hinang niyu dayng ha kakana’ hinang ha bay.
  • Hugasi in lima niyu sin sabun iban tubig, in sabun makapatay bayrus.
  • Tahani in tumulak muwi pa kawman, bang awun bulirapat. Hinanga hadja bang kagunahan, iban sin sarat panugut dayng ha pulis.
  • Bang kagunahan tuud kamu muwi pa kawman, lanui muna in baranmu sin sabun iban tubig bang kaw dumatung ampa umulin barang iban tau. Jagahi in manga tau kalasahan niyu.
  • Magtipun-tipun hadja iban sin tau hangkabay, tumangkis dayng ha pagkanat sin bayrus.
  • Tantuhun lumayu’ hangkamitir dayng ha tau bukun hangkabay.
  • Puas magpanayam ha guwa, in kabataan subay maghugas sin baran nila sin sabun iban tubig ampa sila sumud pa bay.
  • Tantuhun salamat in lahasiya iban tau tagasakit pangsan ha bay.
  • Kadtuun in uspital mayran atawa Klinik Kasihatan.
  • Bang kamu nagiban ha tau nasakit, andu’ tantuha niyu in kamu karuwa nagsusuru ha pagagad niyu magtulak. Hugasi in baran niyu sin sabun iban tubig puas magsumadja iban tau.
  • In katan subay magjaga sin lawak salamat labi dayng ha hangkamitir dayng ha tau nasakit.
  • Bang in hambuuk tau pangsan in sakit, tawagi magtuy in 999.

Public Spaces / Pahati Dayng Ha Manga Duktur, Nars, Iban Tau Maingat Ha Kasihatan Magpakay Sin Tampat Mayran

Kamaya' - wayipa naubus! Katan tau, dayng ha bata'-bata' pa taumaas manjari malamin.
In tampat tambul, maigpit, iban mataud tau maluhay panglaminan sabab sin kulang in paghibal sin hangin, mikit in manga tu' nalalamin. Aniban maglihan-lihan ha manga tampat ini bang awun dapat
Bang kamu gumuwa' pa tampat mayran, tantuhun niyu in makay tampan bayhu'. In tampan bayhu' makatabang kaniyu iban sin kaibanan dayng ha tu' nalalamin.
Aniban in umulin sin tibayhuan kabiyaksahan pagpakayun sin lima wayi lampik, biya' sin pundu' ilibitur, bulpin, iban uulinan hagdan. Bang di' kaaniban, hugasan magtuy in lima sin sabun atawa hipaghuhugas taga alkuhul. Ayaw niyu ulini in bayhu' niyu.
Hidihil in katarrangan sin baran niyu bat kamu maluhay urulun bang sumud tinda, kadday iban kaibanan tampat mayran. Makatabang ini ha KKM magurul kaniyu bang awun nalamin kiyahabal dayng ha manga palanggan. Hinanga niyu in kagausan niyu tumabang sin hikadayaw sin hinang.
Bugitan niyu magtuy in tampan bayhu' pagsampay niyu na mayan pa bay. Atawa, manjari niyu dakdakan in kakana' tampan bayhu' niyu sin sabun iban tubig.
Bang kamu makakita' tau bukun salamat in gaya, pahati kamu ha maghuhurus sin tampat, jaga atawa pulis. In atubang umatu ha COVID-19 kagunahan in tabang sin kawman, sama-sama kitaniyu ha kahalan ini.

Moving Forward / Sumung Paunahan

Marayaw, manga Tau Malaysia! Magsukul sin tabang niyu. Nahinang niyu in kawajiban niyu magpa'gang sin COVID-19. Sagawa', in panglamin wayipa nagahil. Bilang pagsung natu' paunahan, subay natu' di' kalupahan in kiyahindu' katu'. Di'pa kitaniyu 'makabalik pa kabiyaksahan' , sama-sama kitaniyu naghinang 'kabiyaksahan ba'gu'.

Daran hugasan in lima sin sabun,ayaw umulin sin bayhu’ iban duma huhugas lima taga alkuhul. Makay tampan bayhu’ bang kamu ha guwa’.

Misan kitaniyu manjarina pa tampat mayran biya’ sin mall, kadday iban tinda, layuan in tampat mataud tau iban tampat masigpit, iban magsuysuy nagsusuuk. Hipagpatuy in awat hangkamitir dayng ha kaibanan.

Hatihun in manga kalasahan iban pangdaig bay dayng ha waktu pa waktu, iban hipagpatuy in pagtabang pakaniya-pakaniya. In taga kawman kapangayuan tabang makatabang katu’ magpinda pa kabiyaksahan ba’gu.

Daran kitaun in puunan bang massa atawa mahagi sin pahati pasal sin COVID-19. In pahati kapangandulan kabakan ha Kamantirian Kasihatan, Parhimpunan Kasihatan Dunya iban ahli parhimpunan sin MHC. Kitaun in habal ha www.sebenarnya.my.

Quick Links / Sugpat Masapat

Jagahi in Baran Niyu
Magsukul
Kasihatan Pikilan
Kahalan Ba’gu
Tau Maluhay Malamin
Madtu pa Tampat Paghinang
Para ha Raayat Guwa' Daira
Tampat Mayran
Sumung Paunahan

Downloads / Kawaan Luun

Dupuni in sugpat ha baba’ kumawa’ luun pahati