About Us / Pasal Kami

Kami Gerempung Penyaga Pengerai Profesional deka nyendiaka informasyen ukai semina bekaul COVID-19 tang mega deka bekunsi pasal topik pengerai ke bukai kena meri sukung ngagai Menteri Pengerai. Minta tulung kita nesau pesan tu ngagai orang bukai.

Please share our page / Kunsi page kami

Share on facebook
Share on twitter
Share on linkedin
Share on whatsapp

5 Simple Tips to Protect Ourselves from COVID-19 / 5 Chara Kena Nyaga Diri Ari COVID-19

Perintah udah ngeluarka atur tauka penerit pejalai sementara, kena ngelindung pengerai sereta nyelamatka nyawa kitai. Penyakit COVID-19 tu bansa penyakit ti mudah amat ngerampit tauka ngerekai mensia. Penyakit tu ulih ngerampit mensia enti bala mensia kelalu semak sereta bisi teteguka ai riur tauka engkasi orang ti udah kena jangkit virus COVID-19 nya.

Kami tukuh pengerai nyukung penuh atur ti udah dipansutka perintah laban iya ngembuan pengamat nyengenda ari pansik sains enggau peneleba pakar.

Nyadi ke diatu, kitai mestika nemu tanggung pengawa ngelindung bala diri sebilik enggau diri empu ari COVID-19 nitihka atur baka di baruh tu:

Diau ba rumah aja.
Anang pulai ke menua/rumah panjai laban nengah chara tu kitai ulih nyeliahka tauka ngelindung bala ti diau ba rumah panjai kena rampit sakit tu.
Seliahka diri ari endur ti mayuh orang enggau endur ti tebuka.
Basu jari belama.
Enti kita ngasaika diri bisi tanda kena jangkit virus COVID-19 tu, kita tau talipun ngagai Opis Pengerai Perintah ti semak enggau kita.

Kami nemu, diatu, bisi bala kita tusut runding, irau serta tasah maya tu. Kitai mesti sama-sama nulung nyaup pangan diri. Pia mega kami sigi terus beserakup mantu perintah kena nyaga pengerai, pengelikun enggau penatai pemisi kitai semua.

Kita semua mestika bejalaika tanggung pengawa ti udah diatur perintah ngagai kita. Penyakit tu ulih diseliahka kitai enti kitai sama bela beserakup sereta begempung ati. Aram mih kitai sama bela ngelindung diri empu ari penyakit COVID-19 tu!

Thank You For Your Cooperation / Terima Kasih Ke Sukung Nuan

Semua kitai ulih nulung pangan diri. Semua kitai ulih gerai.
Talipun Opis Pengerai Perintah enti Mestika jujur, mestika berani. Raban lutur, lutur pakar, misi, farmasi enggau tukuh pengerai profesional Malaysia.
Terima kasih laban nuan nunjukka bida ti manah ari ke sebedau tu. Kitai deka napi penusah dulu sebedau bulih pengelantang.

Mental Health Message / Pengerai Bepikir

Tukar chara pemikir ti negatif ngena jalai mikir pekara ti positif aja. Gaga pengawa ti kala ka diaduka kita baka berapi, ngelukis tauka nengkebang lagu.
Taja pan kitai jauh ari pangan diri, kitai ulih betalipun, bemesej tauka betalipun ngena chara video kena nanyaka rita pangan diri ti jauh ari kitai.
Au, kitai nang sigi patut nerima informasyen ti baru. Tang mega kitai anang kelalu mikir ke hal ti bekaul enggau COVID-19 tu enggaika pekara tu ngasuh kitai tusut runding.
Taga pengawa ti teatur enggau bemacham ulih mantu kitai ngulihka pengidup ti lebih manah sereta meruan.
Diatu kita ulih mikir chara kena kita mantu orang bukai. Kita ulih nyediaka kereban ti ulih dikena ngagai bala sida tukuh pengerai, nulung orang ke benung tusah tauka nyumai ngagai orang ti dikesayauka kita.
Enti kita tusut runding ke maya tu, giga raban profesional ke ulih meri bantu ari segi jaku ajar. Anang kakang ati sereta takut maya nuan minta bantu. Kita tau betalipun ngagai lumur ti udah disediaka baka ba atas bekaul enggau COVID-19.

Message of Preparing For The New Normal / Pesan Kena Nyendiaka Diri Dalam Pengidup Ti Baru

Kitai dipinta besabar dulu ngambika bulih pengelikun jemah ila.

 

Atur mindah ti betagang udah mayuh berubah, tang ukai adat sereta pengarap kitai. Semua rayat Malaysia bisi enggau nuan kena ngaga refleksyen ke maya tu. Mayuhka pengawa bekunsi, anang ngayah enggau ngemeranka pengawa beserakup dalam diri kena nyendiaka diri kitai ba pengidup ti baru.

Taja pan atur mindah ti betagang udah mayuh berubah tang atur tu enda nukar adat bansa kitai. Pengawa besembiang tetap diteruska ba rumah sereta bagi kita ke ngintu Ramadhan kita agi ulih ngintu baka ke selama tu. Mina kali tu kita bebuka puasa sereta begempuru enggau bala kita ti jauh nengah chara betalipun ngena video.
Maya atur mindah ti betagang tu, rayat Malaysia udah besaup ngena chara ti patut kena ngintu hari besai baka Qing Ming, Tamil New Year, Holy Week, Vaisakhi sereta Onam. Nya alai ketuai sembiang dipinta mikirka chara ti engkeman kena ngintu hari besai Wesak enggau Aidilftri ke deka datai enda lama agi.
Diatu maya ti pemadu manah kena kitai ngambi peluang ngaga refleksyen ba pengarap ti udah dipejalaika kitai. Maya penyakit COVID-19 tu ti benung ngerekai, jaku ajar ari pengarap kitai amat beguna dalam ngemeratka pengawa ngawal diri empu sereta ngelindung bala kaban belayan ti disayauka kitai. Pengawa refleksyen maya dituntung penusah deka meri pengelikun ba pengidup kitai.
Enti nuan bisi utai ti lebih, kunsi mih enggau orang ti tusah. Anang meli barang kelalu mayuh lalu ngujungka barang ke dibeli tu tadi nyu jai sereta enda ulih diempa tauka dikena agi. Ambi barang ti diperlu nuan aja siti ari chara nuan deka bekunsi enggau bala ti merluka barang asas - Chunto bala sida lutur, misi enggau orang ke sakit.
Igi penyakit tu enda ngira orang ti kaya tauka orang ti papa. Iya mega enda ngira nuan ari menua ni, bansa nuan sereta pengarap ti dipegai nuan. Maya tu kitai patut ngemeranka pengawa manah enggau pangan diri sereta nyaga orang ke bisi pengidup ti bebida ari nuan. Begempung kitai mujur.

Sabar au. Penyabar kitai mai pengelikun ba hari ti deka datai.

Message for High Risk Individuals / Pesan Nuju Orang Ke Berisiko Tinggi

Orang ti udah beumur, orang ti bisi sakit kronik enggau orang ti bisi timpang pendiau dikategorika ba raban ti berisiko tinggi. Sida iya tu deka bisi penanggul pengerai laban COVID-19.
Enti nuan bisi sakit kronik, bekal ubat nuan enda tau enda pungkang. Diatu sida JKNS udah nyendiaka chara kena kita bulih bekal ubat ti chukup maya atur mindah ti betagang tu iya nya ngena Perkhidmatan Ubat Susulan Melalui Pos (UMP). Kita ulih regista ba http://bit.ly/umpsarawak enggau ulih meresa aplikasyen kita ba http://bit.ly/umpsarawak_semak. Talipun kelinik pengerai ti semak enggau nuan tauka Pusat Panggilan Farmasi Kebangsaan (NPCC) ba lumur 800-88-6722 enti nuan merluka bantu. Enti nuan bisi bala ke sakit kronik, tulung mih sida ngulihka bekal ubat maya nuan bisi awak.
Enti bisi penusah nyadi, talipun 999 enggau lengkas. Kita tau madah ngagai orang ke beserimbai pendiau enggau kita ngasuh nesau bala kita sebilik tauka bala kaban belayan pasal penusah ti benung nyadi. Enti ulih, orang ti beserimbai pendiau enggau kita nya mestika bisi lumur kita sebilik. Ba situasyen baka tu, ninting minit berega.
Jauh ari orang ke disayau maya timpuh atur mindah ti betagang tu siti chara ti meruan kitai mantaika penyayau ke pangan diri. Nagang diri betemu enggau diri sebilik sereta kaban belayan kelebih agi sida ke tuai sereta enda bepengerai/ngembuan sakit kronik kelimpah ari kebuah ke enda ulih diseliahka. Jaga pengerai kita sebilik enggau chara betalipun, video tauka bekena ke media sosial ke bukai.
Ke diatu timpuh ti chukup tusah ngibun sida ke enda bepengerai. Sida tu dipelaba chukup pengelelak enggau tanggung pengawa sida. Siru ke sida tu kena ngelempung ke penusah ditapi sida. Chunto baka bebelika pemakai sereta risin pemakai ngagai sida. Pemanah kaul kitai tau meri pengaga ati ngagai sida sereta kitai empu.

Returning to Work / Maya Nurun Gawa

Taja pan Atur Mindah Ti Betagang enda terit agi, rayat Malaysia mestika nyaga ulah diri empu. Ari pekara ti bekait enggau pemeresi diri nyentukka nyaga takah sosial enggau pangan diri. Ba ditu dirintaika chara ti patut dititih maya kita ba rumah tauka ba endur gawa.
Jaga takah tubuh kita ari orang bukai lebih ari 1 meter sereta kena sengkabung mua maya ba luar nyengkaum maya nuan bebaris enggau ba alai nuan gawa. Enti ulih, nuan ngena tangga kena nuan nyeliahka diri ari bededat enggau orang bukai ba dalam lif.
Padah ngagai ketuai endur nuan gawa enti nuan ngasaika diri empu enda nyamai isi sereta diau ba rumah. Enti ulih, nganjung diri ngagai kelinik ti semak tauka talipun ngagai opis pengerai kena minta bantu.
Semampai ngemeranka pemeresi diri empu maya nuan ngena jamban ba endur ti mayuh orang laban tu endur ti berisiko tinggi. Kendas pala pintu jamban ngena sanitizer maya nuan pansut sereta tama. Udah nya, tuchi jari nuan enggau naka pemeresi ngena sabun sepengudah nuan pansut ari jamban.
Seliahka diri ari begempuru bala mayuh baka pengawa aum besai. Enti enda ulih diseliahka agi, takah sosial lebih ari 1 meter ari pangan diri mesti dikemeranka. Anang bekunsi kereban tauka perengka ba opis. Enda tau betugung baik bekaul hal kereja tauka hal bukai.
Enti nuan udah datai ba rumah ari opis, anang negu utai ba rumah tauka bejaku enggau diri sebilik. Mandi lalu rendam gari ti dikena nuan gawa ngena sabun kena munuh kuman.

Protect Yourself, Protect Your Community / Jaga Diri Enggau Orang Bukai

Anang ngelekaika virus ke pangan diri
  • Maya ba luar rumah, tutup idung enggau mulut ngena sengkabung mua. Sengkabung mua ke digaga kediri ngena kain tau dikena mega.
  • Basu jari ngena sabun enggau ai laban sabun ulih munuh virus tu.
  • Enti ulih, seliahka diri ari pulai ke menua tauka rumah panjai. Pulai enti maya patut aja, minta pemendar ari polis.
  • Enti nuan deka pulai ke menua tauka rumah panjai, mandi ngena sabun enggau ai dulu sepengudah nuan datai sebedau nuan negu utai tauka orang bukai. Jaga orang ti dikesayauka nuan.
  • Begempuru enggau orang ari bilik nuan aja kena nagang virus tu ari ngelekai.
  • Semampai nyaga takah lebih ari 1 meter ari orang bukai ke enda diau sebilik enggau nuan.
  • Udah baka anak main ba luar, sida patut meresi diri ngena sabun enggau ai sebedau tama ke rumah.
  • Jaga kaban belayan ti udah beumur enggau orang bukai ke bisi sakit kronik ba rumah.
  • Nganjung diri ngagai sepital tauka Kelinik Pengerai ti semak
  • Enti nuan ngulu nganjung orang ke sakit, minta seduai ngena sengkabung mua enggau mulut ba sepital tauka kelinik pengerai. Meresi diri ngena sabun enggau ai pengudah negu orang ke sakit.
  • Orang bukai mega patut nyaga sereta ngemeranka takah lebih ari 1 meter ari orang ke sakit
  • Enti bisi orang udu sakit, talipun 999 enggau lengkas.

Best Wishes for Gawai  / Selamat Ari Gawai

Public Spaces / Endur Ti Dikena Bala Mayuh

Semampai bejimat. Utai tu bedau ambis! Igi penyakit tu ulih ngerampit mensia enda ngira umur, tuai tauka biak.
Endur betutup ti sekut sereta mit siti ari endur ke berisiko tinggi. Kebuah iya, angin ba endur ke betutup enda engkebut sereta pansut ke luar lalu ngujungka igi penyakit tu tepekul. Enti ulih, anang ba endur baka tu.
Enti nuan ba endur orang ke mayuh, kena sengkabung idung enggau mulut. Iya ulih ngelindung nuan enggau orang ti ba sekeliling nuan ari igi penyakit tu.
Seliahka diri negu utai ke suah ditegu ngena jari nuan baka butang lif, pen enggau pemegai tangga. Enti enda ulih diseliahka agi, tuchi jari nuan ngena sabun tauka sanitizer jari ke bisi alkohol enggau lengkas. Anang negu mua nuan.
Beri informasyen diri kita maya tama ke kedai, endur makai enggau endur ti bukai. Chara tu ulih nulung sida KKM ngiga kontak nyema bisi kes positif ti diripot ba orang ke ngelawa endur nya tadi. Teruska atur pengawa tu kena mantu proses tu ngambika lanchar!
Buai lengkas sengkabung idung enggau mulut sepengudah nuan pulai ke rumah. Sengkabung idung enggau mulut ke bekain, mestika suah dituchi ngena ai enggau sabun.
Enti nuan bisi tepedaka orang ti lain pendiau sereta enda nyaga pengelikun diri, padah ngagai orang ketuai premis, jaga tauka polis. Kena ngelaban COVID-19 tu merluka tulung sereta sukung ari semua kita. Beserakup mih kitai ngemunaska virus tu.

Moving Foward / Mansang Sesingkang

Meri pengaga ati ngagai rayat Malaysia! Terima kasih laban nunjukka bida. Kita semua udah bejalaika tanggung pengawa kita nyekat penyelekai penyakit Covid-19. Tang, igi penyakit tu empai punas. Maya kitai mansang ke depan, anang enda beambi ulih ari utai ke udah nyadi. Kitai enda ‘pulai ngagai pengidup ti baka sebedau tu’, kitai diatu sama bela benung nirika ‘chara bejalaika idup ti baru’.

Tuchi jari nuan ngena sabun, seliahka diri ari megai mua nuan enggau bai sanitizer jari ke bisi alkohol enggau nuan. Kena sengkabung mua maya nuan pansut ba endur mayuh orang.

Taja pan kitai ulih ngelawa endur ke mayuh orang baka palan bejual beli, palan endur makai enggau palan nyual gari, seliahka diri ari endur ke mayuh orang, endur ti betutup  sereta bejaku kelalu semak enggau orang bukai. Semampai nyaga takah 1 meter enggau pangan diri.

Peresa orang ti dikesayauka nuan sereta orang ti beserimbai pendiau enggau nuan. Teruska pengawa nyukung pangan diri. Bisi komiti endur bepanggai ulih nulung kitai bejalaika norma pengidup ti baru.

Seruran mansik penatai informasyen maya nuan macha tauka bekunsika informasyen bekait COVID-19. Informasyen ti betul ulih digiga kita ba Opis Pengerai Malaysia, Gerempung Pengerai Dunya (WHO) enggau raban MHC. Berita ke betul tau digiga kita ba www.sebenarnya.my.