About Us / Kokomoi Dahai

Iyahai sabaagi do puru-puru kolidasan id pitimbungan diti, poposodia do popoilo kopoilaan toponsol kumaa tongoulun Malaysia om okon nopo kokomoi COVID-19, nga poimagon do kinoburuan di Komontirian Kolidasan. Miiyo toi’ ko poilangon pason dahai

Please share our page / Miiyo laman web dahai

Share on facebook
Share on twitter
Share on linkedin
Share on whatsapp

Quick Links / Romut Tosisikap

Umoligan do Sondiri
Pounsikou
Kolidasan do Pomusarahan
Koubasanan Wagu
Tulun di Rolihon Takawas
Mongoi id Pakarajaan
Montok Tongoulun id Kokompungan Watas
Kaamatan
Gana do Awam
do Tilombuson do Wagu

5 Simple Tips to Protect Ourselves from COVID-19 / 5 Kararalano Dotokou do Minsodu Mantad diri COVID-19

Montok do mongumolig koposion om tulun, haro pogoduhan mantad do koupisan hiti id pogun dotokou do tontok diri nokomoi. Tu iri no sabap diri nga haro o COVID-19 do ruminalad mantad do kinotuduon toi’ ko kinakamaan do fizikal.

Sabaagi do puru-puru koupisan kolidasan, suminokodung iyahai diri pogoduhan. Kitoilaan iyolo do toilaan sains, piipiro toun do pakarajaan om kalantayan diyolo.

Tontok do pogoduhan diri, intang-intangan no gompion do kolidasan tinan dikoyu om sampaganakan dikoyu mantad do toruol COVID-19 diri. Mositi kou do:

Pakadaada om mundorong id walai dikoyu.
Amu muli kampung, montok gompion kolidasan di komolohingan dikoyu.
Kada no ongoi ruba do tulun.
Momoug longon toririmo.
Sikapai maan repot doid internet Komontirian do Kolidasan toi’ ko monolipon dahai nung kopuriman do amu olidas tinan dikoyu mantad diri COVID-19.

Noilaan iyahai tu haro no kinoborulongo, korolosi do topurimanan om koinggoritan diri. Manu iyahai do monulung do tulun, om mononguang do tonggungan mantad do koupisan montok do koumoligan, kolidasan tinan dotokou om kousinan.

Kumaa dikoyu toinsanan, mositi no daa maai tonggungan diri. Milo no papatagak diri toruol, nga iri no tonggungan do miiso tokou hiti id Malaysia.

Thank You For Your Cooperation / Pounsikou do Mogitatabang Dikoyu

Pounsikou do monokodung diri. Osusa’ no toguangon diri om alansan no daa ongosonong.
Toliponai no Komontirian Kolidasan nung: Poboroso no totopot, om tumoguang no diri. Duktur, nuus, specialist, farmasi om puru-puru do koupisan kolidasan.
Toinsanan milo sokodungo kumaa di tulun. Toinsanan milo gompion kolidasan tinan.

Mental Health Message / Komi’ di Puru do Kolidasan Mental

Insodu no pomusarahan di taraat om pohondomo no maso’ di tosonong do nunu nopo pokionuan dikoyu, miagal ko mogonsok, momolukis, modsinding om susuai po.
Mulong piya apatut no sopiinsodu tokou, nga kakal po milo boroson do habar kumaa di tulun koginawaan dikoyu miagal ko tolipon, papaatod do mesej toi’ ko miampai do bidiokol.
Otopot nogi tu oponsol no kopoilaan do kawawagu. Nga sumoonu nopo, oponsol no maai undorong do momunsou mantad do kopoilaan kokomoi COVID-19 diri.
Haro tuduon, haro kararalano dot otimbang. Sorohon no kasasari do maan nunu nopo o toponsol toi ko koubasanan dikoyu.
Sorohon no kama do monulung di tulun suai do pokionuan miagal ko monulung do momogompi di tulun toluhoi, toi ko mogonsok do taakanon montok tulun di koginawaan dikoyu.
Nung kopuriman kou dot osusa’ do monoguang diri sondiri, maai daa pokitulung mantad di puru-puru kolidasan. Aiso nunu sala’ do maan diti. Intong no kointalangan do COVID-19 id siriba.

Quick Links / Romut Tosisikap

Umoligan do Sondiri
Pounsikou
Kolidasan do Pomusarahan
Koubasanan Wagu
Tulun di Rolihon Takawas
Mongoi id Pakarajaan
Montok Tongoulun id Kokompungan Watas
Kaamatan
Gana do Awam
do Tilombuson do Wagu

Message of Preparing For The New Normal / Pason Mantad di Duktur, Nuus om Puru-Puru Kolidasan do Monoguang do Maso Wagu

Potoboyo no ginawo dikoyu montok suab tosonong.

Nokosimban nodi iri MCO nga okon ko koubasanan dotokou. Hiti no tulun Malaysia miampai dikoyu do koubasanan dotokou. Kanou no ramaio’ tontok maso Muhibbah om iri no koubasanan dotokou do wagu.

Tontok do kinosimbanan do MCO, amu nopo sumimban do koubasanan dotokou. Ralan dotokou do sambayang id walai milo tilombuson do koubasanan dotokou tontok do Ramadhan. Apatut no daa mongukad do internet tontok do mogkodos om karamaian miampai do tobpinai om sampaganakan id sodu kinoiyonon do walai.
Tontok do kinosimbanan do MCO, amu nopo sumimban do koubasanan dotokou. Ralan dotokou do sambayang id walai milo tilombuson do koubasanan dotokou tontok do Ramadhan. Apatut no daa mongukad do internet tontok do mogkodos om karamaian miampai do tobpinai om sampaganakan id sodu kinoiyonon do walai.
Tontok do MCO, nokoihum no tulun Malaysia do ralan suai do mamaramai tadau Qing Ming, toun wagu Tamil, tadau Paskah, tadau Vaisakhi om tadau Vishu. Om haro no kosiwatan do maso mamaramai tadau Wesak om tadau tagayo do Aidilfitri maya ralan do suai.
Nung kitoilaan kou do nunu ralan do apatut no ilangon, maai daa tudukai kumaa do tulun di aiso kitoilaan. Kada korosi do mongoi boli taakanon. Onuai do nunu nopo o toponsol montok do pongilangan do toilaan. Sabaagi do pomitanan tosonong montok diolo.
Virus diri okon ko pisuaian dotokou do kipuhawang om mosikin. Aiso suai mantad do tinaru, tugama om momogun di tulun. Totopot nopo ti nga itokou no tulun do apatut no koilo monoguang diri kinaantakan om kaanu do ginawo tosonong. Miiso tokou do monoguang diri kinaantakan.

Sabar nopo kio, potoboyo ginawo dikoyu montok suab tosonong.

Message for High-Risk Individuals / Pason Kumaa do Tongoulun do Lobi Takawas do Rolihon

Tulun do totuo, kitoruol miampai do maso laid om tulun do kikokurangan do komilaan nopo nga susumakit do lobi takawas do rolihon mantad diri toruol COVID-19.
Nung haro no toruol dikoyu miampai maso laid, sorohon no kama tu onuai kointalangan do tubat pokionuan tosisikap tintod do kaawi tubat. Pinapaharo i KKM do servis miagal ko’ Pos Malaysia, Paatadan Maya Padsakayan om locker4u, montok koumpaian do tubat dikoyu tontok diri PKP/MCO. Toliponai no Klinik Kolidasan toi’ ko Pusat Panggilan Farmasi Kebangsaan (NPCC) id numbur: 1800-88-6722 montok potulungan. Suai mantad dilo, nung haro tulun suai do kitoruol maso laid diri nokomoi, tulungai daa onuon kointalangan do tubat diolo.
Nung haro no kaantakan, toliponai no 999 toi’ ko ongoi ngoyo’ hilo id supital tosisikap. Posunudon no sombol, paganakan toi’ ko tambalut dikoyu. Om poiloo’ no sombol dikoyu do numbur tolipon montok do posunudan tu au oilaan no nunu kaantakan do tiinu.
Haro matu kalangadan do tulun koginawaan dikoyu tontok do PKP/MCO, nga apatut no insodu mantad diolo montok kosonongo’ dotokou do monoguang diri kinaantakan. Kada ongoi kakap do paganakan om tambalut do totuo toi’ ko kitoruol maya maso laid, suai ko haro pokionuan toponsol mantad puru-puru kolidasan. Gompio’ no kolidasan tinan diolo om maan tolipon toi’ ko paatadan mesej nopo kumaa diolo.
Haro matu koinggoritan maso di madtatamong tu monoguang iyolo do koinggoritan tontok diri kinaantakan. Insasamadai daa ginawo diolo tosonong om rayahon no daa ginaras diolo om tulungai no nung haro kosiwatan. Miagal ko mongoi boli’ taakanon montok diolo do koumpaian. Om sumoonu daa haro posulian do tosonong kumaa dikoyu nogi.

Returning to Work / Pason mantad di Duktur, Nuus om Puru-puru Kolidasan dikoyu tontok do Pakarajaan.

Tontok diri kasanangan do maso Ponuhuan Panamangan Kapapanahan (PKP), koinsanan do tongoulun Malaysia kakal po tonudon do karaaralano’, miagal ko momogompi do kalanggaan tinan, minsodu mantad do tulun suai id labus walai om id pakarajaan.
Kakal po minsodu mantad do tulun suai miampai sinodu do 1 meter om sompono’ turos miampai do mask id labus walai, id barisan om id pakarajaan. Ongoi salakoi id tukad om kada ongoi suang do lift mooi do amu koinsomok di tulun suai.
Poiloo’ buus dikoyu toi’ ko puru-puru dikoyu nung amu osonong topurimanan, om timporon id walai. Nung haro kosiwatan dikoyu, ongoi pokianu mantad do puru-puru supital poinsomok id kinoiyonon dikoyu toi’ ko toliponai kumaa di Komontirian Kolidasan.
Gompio’ no kalangaan tinan dikoyu id mamaso do momoguno pangawasan tu sabap haro matu kogumuan do rolihon di tulun. Langaan no totobon bilik jamban soira do sumuang om lumabus. Momoug no longon dikoyu miampai sabun kalapas do gunoon bilik nokomoi.
Minsodu no pitimungan do tongoulun id honggo nopo. Nung sansagan dikoyu do mongoi hiri pitimbungan, minsodu no tulun suai miampai sinodu do 1 meter. Kada tahako’ toi’ ko onuo’ do nunu kakamot mantad pakarajaan. Om kada no insamakai tulun do monongkiboros om kumaraja.
Tontok do koulian walai mantad pakarajaan, kada tuduo’ do nunu nopo kakamot om tongoulun id walai kinoiyonon dikoyu. Ongoi podsu tosisikap, om pupuai no pakaian miampai sabun om waig.

Quick Links / Romut Tosisikap

Umoligan do Sondiri
Pounsikou
Kolidasan do Pomusarahan
Koubasanan Wagu
Tulun di Rolihon Takawas
Mongoi id Pakarajaan
Montok Tongoulun id Kokompungan Watas
Kaamatan
Gana do Awam
do Tilombuson do Wagu

Protect Yourself, Protect Your Community / Gompio’ Dikoyu Sondiri, Gompio’ Tongoulun Dikoyu.

Kada poroliho’ virus diri kumaa do tulun suai.
  • Sompono’ no kabang om todung dikoyu miampai do mask soira kalabus. Osonong nogi momonsoi do mask do sondiri.
  • Momoug no longon miampai sabun om waig, dadi popolihung no mantad do virus.
  • Kada uli kampung nung haro kosiwatan. Maan do nunu o toponsol miampai do kasagaan mantad do pulis.
  • Nung muli kou doid kampung dikoyu, momolihung no tinan sondiri miampai sabun om waig tintod do pakayaan om intangan no tumudu’ do tulun suai toi’ ko kakamot. Gompio’ no koginawaan dikoyu.
  • Mongoi do walai poinsomok nopo, mooi do amu nopo poporoliu do virus.
  • Kakal po insodu do sinodu 1 meter mantad do tulun rumikot id walai dikoyu.
  • Tangaanak diri apatut no mongoi lihungai miampai do sabun om waig tintod do sumuang walai mantad diolo mamain id labus.
  • Tamangai no tulun totuo om tulun di haro nadalaan do toruol id walai.
  • Ongoi no supital toi’ ko ruma sakit do poinsomok
  • Nung mongoruhang kou di tulun do sumakit, mositi do sompono’ mask ikoyu goduo nokomoi tontok do pamanahan. Lihungai ikoyu sondiri miampai do sabun om waig kalapas do mongoruhang diri tulun nokomoi.
  • Tulun ngawi apatut no sopiinsodu do sinodu 1 meter mantad do tulun sumakit.
  • Nung adalaan iri tulun do sumakit, toliponai no 999 tosisiskap

Happy Kaamatan / Kotobian Tadau Tagayo do Kaamatan

Quick Links / Romut Tosisikap

Umoligan do Sondiri
Pounsikou
Kolidasan do Pomusarahan
Koubasanan Wagu
Tulun di Rolihon Takawas
Mongoi id Pakarajaan
Montok Tongoulun id Kokompungan Watas
Kaamatan
Gana do Awam
do Tilombuson do Wagu

Public Spaces / Pason Mantad Duktur, Nuus Om Puru-Puru do Kolidasan

Kakal po umoligan – Tu sabap amu po natagak iri kinaantakan! Tongoulun do koinsanan tumur, mantad tangaanak gisom totuo’ nga koroliu nogi.
Tampat do tokikip om amu alaab diri nopo nga kinaantakan do rolihon takawas tu sabap okuri no wayaan do udara om obingkoroliu mantad diri poturuan dau. Insodu no iri tampat nokomoi tosisikap.
Nung mositi kou do mongoi diri tampat nokomoi, sorohon no somponon kabang om todung miampai do mask dikoyu. Nga sompono’ posorili turos nopo milo umoligan dikoyu om tulun suai mantad diri poturuan do rolihon.
Kada tuduo’ toi’ ko kamao’ miampai do longon, miagal ko bamban lif, pen om tansar do tukad. Nung amu kou do minsodu diri kaantakan, sikapai no momoug longon dikoyu miampai do waig om sabun toi’ ko sanitasi. Kada no tuduo’ turos dikoyu.
Posodia no kointalangan dikoyu kumaa do puru-puru kolidasan tontok do sumuang diri kakadaian, kadai makan om hinonggo nopo id labus walai. Iri no sabap diri milo tulungon kumaa do KKM miampai do tolipon om kopoilaan diolo do kaantakan COVID-19 positif di tulun. Maai daa mogitaatabang tokou do monulung diri kaantakan!
Sikapai no pataaman mask dikoyu do noguno tontok do koulian hilo’d walai dikoyu. Mask kain nopo milo pupuan miampai do sabun susi om waig.
Nung kokito kou diri tulun do amu atantu no umoligan om mamaralad do toruol diri, sikapai no poiloon kumaa do pulis, mata toi’ ko madtatamong. Monoguang tokou do sumaap diri kinaantakan COVID-19 miampai miiso do pisompuruan dotokou.

Moving Forward / Pason mantad do Duktur, Nuus om Puru-Puru do Kolidasan do Tilombuson do Wagu 

Bayahan no oi ikoyu oi tulun Malaysia! Pounsikou do mogitaatabang tokou diri. Nakaanu kou do toilaan do minsodu mantad COVID-19 sondiri. Nga amu po natagak diri kinaantakan. Tumilombus tokou do nakabalajar do karaaralano’. Amu doti koguli id timpuun nga miiso tokou do monoguang kaantakan kawawagu.

Momoug longon dikoyu toririmo maya do sabun om waig, kada tuduo’ toi’ ko kamao’ turos dikoyu om owito’ butul sanitasi. Sompono’ turos dikoyu maya do mask soira kalabus mantad do walai.

Mulong piya milo tokou mongoi labus id kakadaian om restoran, nga kakal po minsodu mantad do tongoulun togumu om tampat tokikip. Kakal po minsodu mantad do tulun suai do sinodu 1 meter toririmo.

Maai daa tamangon po sombol om tulun koginawaan dikoyu do monikid maso, om tilombuso’ no sokodungo’ wokon. Iso pitimbungan do kotumbaya milo tulungon kumaa dotokou do monoguang diri kaantakan wagu.

Intong po kopointalangan kokomoi do kinaantakan COVID-19 toririmo. Kopointalangan mantad do Komontirian Kolidasan, Pitimbungan Kolidasan Sompogunan (WHO) om MHC diti haro o kopointalangan do tosonong. Om haro borita habar do kotumbaya mantad do laman web: www.sebenarnya.my.

Quick Links / Romut Tosisikap

Umoligan do Sondiri
Pounsikou
Kolidasan do Pomusarahan
Koubasanan Wagu
Tulun di Rolihon Takawas
Mongoi id Pakarajaan
Montok Tongoulun id Kokompungan Watas
Kaamatan
Gana do Awam
do Tilombuson do Wagu

Downloads / Daunlod

Todoso link diti om papadaunlod do suangan fail