About Us / எங்களை பற்றி

நாங்கள் கோவிட் -19 க்கு மட்டுமல்லாமல் மலேசியர்களுக்கு முக்கியமான தகவல்களை வழங்குவதற்காக அர்ப்பணிக்கப்பட்ட சுகாதார வல்லுநர்கள், சங்கங்கள் மற்றும் சமூகங்களின் கூட்டணி, சுகாதார அமைச்சகத்தை ஆதரிப்பதன் மூலம் பொது சுகாதாரத்தை மேம்படுத்துகிறோம்.

Please share our page / எங்கள் பக்கத்தைப் பகிரவும்

Share on facebook
Share on twitter
Share on linkedin
Share on whatsapp

Quick Links / விரைவு இணைப்புகள்

New Normal / புதிய இயல்பானது
HIgh Risk People / அதிக ஆபத்து உள்ளவர்கள்
Round7

Message of Preparing For The New Normal / Piak Jin Duktun, Mici Ngan Irah Keleja Ata Uma Cakit Ayu Nyediak Curat Rasmi

Itam cama cama muat kimet ayu negidian langit cagam.

MCO ituk ngubah pina gaya urip uluk tapi bukan acen lebu itam. Memung ulu ata Malaysia cama cama jakak ituk. Itam kuci cama, amai ngeburah kaan ngan jah kimet itam mung

Walau MCO ituk ngubah pina barang, tapi yah abi ngubah acen itam. Cebayang ciget langit ngan hari raya ituk itam cama-cama.Pemung ngan panak panak online, ngan panak dani muku ata lamin jakak buka puasa
Jakak langit bi’u, uluk mung, pitah cara ayu ngelamai uman marieng tamil. Migu kudus, Qing Ming.Vaisakhi. ngan Vishu. Kelunan latak pitah ngan pikin cara ayu ngelamai Wesak ngan raya jakak ituk.
Ala masa ituk ayu pikin ngan cebayang, iman uluk penting lan jakak masa ituk.Kawal uca uluk ngan mecan panak-panak, padi padi mung.Cebayang apan maca tucah ituk cukat tik uluk muat.
Calau keluk bi pina berkat, kuci ngan rah an tucah.amai balah menyuak kuak aibi cukup barang kaan. Nyuak an keluk cukat kiik, nDulung luk an keja ata hospital, ituk neh irah hero uluk jakak ituk.
Virus ituk aibi yah mecan kayak, cutuk, yah aibi mecan jin negara mah, atau agama mah.Itam cukat atasi ituk ngan mikin irah jah, peduli ngan rah, Itam mung jah dalem ituk.

Mena kiik buat kimet langit ituk , apan cagam laah dian

Message for High Risk Individuals / Piak Tebara An Rah Yak Cakit

Kelunan latak urip, kelunan an lebi ipo cakit ngan bi penyakit an jah, bi’u peluamg teneng penyakit COVID-19
Calau keluk an tajak cakit, nawai ala tabat ata uma cakit sebelum tabat inah bay.Pelitah bi sedia cara ayu ala tabat jin Pos Malaysia, Drive Tru and locker4u, ayu keluk jakak ituk. Nawai talipon uma cakit ata dani keluk nah, atau Pusat Panggilan Farmasi Kebangsaan (NPCC) ata nubun 1800-88-6722, Bi cara la’ah calau keluk an cen cara itu, cukat nulung luk an cakit ituk ala tabat.
Calau bi an cakit muat, talipon 999 atau ngai ata uma cakit an dani keluk.Marak an irah muku dani keluk atau panak dani.
Nawai lan irah an malai pemung jakak MCO ituk, tapi muku ju jin jah uca penting jakak ituk. Jakak ituk, amai nuat nyavi panak ngan kawan an dani, irah kelunan latak urip, irah an tajak bi cakit lebi ipo.Jaga luk mung ngan talipon, video call atau cara an jah, amai pedani kiik.
Ituk jakak tucah ngan ketah ngan luk yak jaga itam. Dian kiik ngan luk mung ngan nulung an mah yak cukat. Nak ka’an ngan nulung an mah cukat.

Returning to Work / Piak Jin Duktur, Mici Ngan irah Ata Uma Cakit

Kawal lakau ipo nak jin pelitah, memung ulu kata Malaysia mecan iuk netik uluk.Jin ngeleci uca, mecan pengeju jin rah jah, ituk an cukat keluk ayu
Ju 1 meter jin kelunan jah, ayu carung cilung muku ata da’iek . Ayu ukat jin ayu lift ngan amai pedani ngan rah bi cakit ituk.
Marak ngan boss keluk calau aibi dian tegen ngan muku lamin kiik.calau cukat, ngai ata uma cakit atau talipon pelitah
Celalu mecan pengeleci calau ayu jaban ata an pina irah cakit. Mu’uie ayu ngen calau macek ngan mucit, mu’uie agem ayu cabun
Amai pemung ata group an bi’u atu temah temah. Calau aibi tai, muku 1 meter jin luk. Amai ayu barang an kuak ngan luk.
Calau muli jin kerja, amai mengen atau panay ngan panak nuat. Macak la’o ngan ma’am ikang tabang ayu cabun.

Downloads / பதிவிறக்குங்கள்

"மலேசியர்களுக்கான கடிதங்கள்" என்ற தமிழ் மொழிக்கான காட்சிகள் மற்றும் செய்திகளை இப்போது இங்கே பதிவிறக்கம் செய்யலாம்: